Book Back Question and Answers

அறிவியல் : பருவம் 1 அலகு 3 : வேலை மற்றும் ஆற்றல் அலகு 3 வேலை மற்றும் ஆற்றல் கற்றல் நோக்கங்கள் இப்பாட இறுதியில் மாணவர்கள் பெறும் திறன்கள் ❖ வேலையை வரையறுத்தல். ❖ வேலை மற்றும் ஆற்றலை அறிந்து கொள்ளல். ❖ எளிய இயந்திரங்களை அறிதல். ❖ இயந்திரங்களை வகைப்படுத்துதல் ❖ மூன்று வகையான நெம்புகோல் பற்றி தெரிந்து கொள்ளல். நினைவுகூர்வோமா! ஆசிரியர் : வணக்கம் மாணவர்களே, நீங்கள் விசையைப்பற்றி முந்தைய வகுப்பில் படித்துள்ளீர்கள் அல்லவா? விசை என்றால் என்ன? மாணவர்கள் : ஒரு பொருளை நகர்த்துவதற்கு மற்றும் நிறுத்துவதற்கு அதன் மீது செய்யப்படும் தள்ளுதல் அல்லது இழுத்தல் செயலே விசை ஆகும். ஆசிரியர் : பல்வேறு வகையான விசைகள் உள்ளன. அவை யாவை? மாணவர்கள் : உராய்வு விசை, ஈர்ப்பு விசை, தசை நார் விசை மற்றும் காந்த விசை. விசையின் மூலம் ஒரு பொருளின் வடிவம், வேகம் அல்லது திசையை மாற்ற முடியும். I. வேலை ஒரு பொருளின் மீது விசை செயல்பட்டு அப்பொருள் நகரும் செயல் வேலை எனப்படும். கீழ்க்கண்ட படங்களை உற்றுநோக்கி நீங்கள் புரிந்து கொண்டதைக் கூறுங்கள். இந்தப் படங்களிலிருந்து ‘வேலையைச் செய்ய விசை தேவை‘ என்பது நமக்குத் தெரிகிறது. சிந்தித்துக் கூறுவோமா! ஆசிரியர்: நேற்று நான் பள்ளியிலிருந்து திரும்பி வரும்போது சாலை அமைக்கும் பணியை சிலர் செய்து கொண்டிருப்பதைக் கண்டேன். அந்த இடத்தில் சில பொருள்கள் இருப்பதையும் கண்டேன். அந்த இடத்தில் என்னென்ன பொருள்கள், இயந்திரங்கள் இருந்திருக்கும் என்று உங்களால் கூற முடியுமா? வேலை செய்யப்பட்டுள்ளதா அல்லது செய்யப்படவில்லையா என்று எப்போது நம்மால் கூறமுடியும்? வேலை செய்வதற்கு இரண்டு முக்கிய நிபந்தனைகள் தேவை. 1. ஒரு விசை பொருளின் மீது செயல்பட வேண்டும். 2. பொருள் ஓரிடத்திலிருந்து மற்றொரு இடத்திற்கு நகர்த்தப்பட வேண்டும். ஒரு பொருளின் மீது விசை செயல்பட்டு அந்தப் பொருள் நகர்ந்தால் வேலை செய்யப்பட்டது எனலாம். பதிலளிப்போமா!” படத்தை உற்றுநோக்கி, வேலை செய்யப்பட்டிருந்தால் (✔) குறியும், வேலை செய்யப்படவில்லை என்றால் (x) குறியும் இடுக. பதிலளிப்போமா! கீழ்க்கண்ட செயல்பாடுகளில் வேலை செய்யப்பட்டதா அல்லது செய்யப்படவில்லையா என்பதைக் குறிப்பிடுக. II. ஆற்றல் மேற்கண்ட படங்களில் ☆ ஒரு மனிதர் பயணச் சுமையை இழுக்கிறார். இழுப்பதற்கு அவருக்கு ஆற்றல் தேவைப்படுகிறது. உணவிலிருந்து அவர் அந்த ஆற்றலைப் பெறுகிறார். ☆ எரிபொருள் எரிவதால் ஏற்படும் ஆற்றலைக் கொண்டு மகிழுந்து நகர்கிறது. ☆ மின்சாரத்தை ஆற்றலாகப் பயன்படுத்தி நகரும் படிக்கட்டு இயங்குகிறது. வேலை செய்வதற்கான திறனையே ஆற்றல் என்கிறோம். வேலை நடைபெறுவதற்கு ஒரு பொருளுக்கு ஆற்றல் கொடுக்கப்படவேண்டும். 1. புதுப்பிக்க இயலும் வளங்கள் புதுப்பிக்க இயலும் ஆற்றல் வளங்கள் குறிப்பிட்ட காலத்திற்குள் இயற்கையாகவே புதுப்பிக்கப் படுகின்றன. இந்த ஆற்றல் வளங்களை நாம் நீண்ட காலத்திற்குப் பயன்படுத்த முடியும். இவ்வளங்களைப் புதுப்பிக்க இயலும் வளங்கள் என அழைக்கிறோம். ஒளி, போக்குவரத்து, சமையல், வெப்பப்படுத்துதல் போன்றவற்றிற்கு இந்த வளங்கள் பயன்படுத்தப்படுகின்றன. எ.கா:சூரியன், காற்று, நீர், 2. புதுப்பிக்க இயலாத வளங்கள் சில வளங்களைப் பயன்படுத்திய பிறகு அவற்றை மீண்டும் புதுப்பிக்க இயலாது. இவ்வளங்களைப் புதுப்பிக்க இயலாத வளங்கள் என அழைக்கிறோம். எ.கா: பெட்ரோல், நிலக்கரி, இயற்கை வாயு. மேலும் தெரிந்து கொள்வோமா! “ஆற்றலை ஆக்கவோ அல்லது அழிக்கவோ முடியாது. ஆனால், ஒரு வகை ஆற்றலை மற்றொரு வகை ஆற்றலாக மாற்றமுடியும்” என்று ஆற்றல் அழிவின்மை விதி கூறுகிறது. ஆற்றலின் திட்ட அலகு ஜூல் ஆகும். ஆற்றல் பற்றி விளக்கமளித்த ஜேம்ஸ் ஜூல் என்பவரது பெயரால் ஆற்றலின் அலகு ஜூல் என அழைக்கப்படுகிறது. III. எளிய இயந்திரம் மேற்கண்ட படங்களை உற்றுநோக்குக. அவை எதற்காகப் பயன்படுத்தப்படுகின்றன? […]

அறிவியல் : பருவம் 1 அலகு 2 : பருப்பொருள் மற்றும் பொருள்கள் அலகு 2 பருப்பொருள் மற்றும் பொருள்கள் கற்றல் நோக்கங்கள் இப்பாட இறுதியில் மாணவர்கள் பெறும் திறன்கள் ❖ பொருள்களை அவற்றின் பண்புகளின் அடிப்படையில் வகைப்படுத்துதல். ❖ பொருள்கள் தொடர்பான எளிய சோதனைகளை மேற்கொள்ளல். ❖ அன்றாட வாழ்வில் பருட்பொருள் மற்றும் பொருள்களின் முக்கியத்துவத்தை உணர்தல் ஒளிகசியும், ஒளிபுகும் மற்றும் ஒளிபுகாப் பொருள்களை வேறுபடுத்துதல். I. பொருள்கள் அண்டத்தில் உள்ள ஒவ்வொரு பொருளும் பருப்பொருளே. நம் உலகை உணர்வதற்கு நாம் பல்வேறுபட்ட பொருள்களை ஆராய்ந்து அறிய வேண்டும். பருப்பொருளால் ஆனவற்றைப் பொருள்கள் என்கிறோம். எடுத்துக்காட்டாக, நாற்காலி மரத்திலிருந்து தயாரிக்கப்படுகிறது: அழிப்பான் ரப்பரிலிருந்து செய்யப்படுகிறது; மெழுகவத்தி மெழுகிலிருந்து தயாரிக்கப்படுகிறது. பதிலளிப்போமோ! கீழ்க்காணும் பொருள்கள் எவற்றால் ஆனவை எனக் கண்டறிந்து எழுதுக. (காகிதம், களிமண், கண்ணாடி, மரம், நெகிழி, உலோகம், இரப்பர், மெழுகு) பதிலளிப்போமோ! ஒரே வித பொருளால் தயாரிக்கப்பட்ட பொருள்களை இணைக்க, II. பொருள்களின் பண்புகள் ஒரு பொருளை அளவிடவோ, பார்க்கவோ, உணரவோ முடியும். பெரும்பாலான பொருள்கள் ஒன்றுக்கும் மேற்பட்ட பண்புகளை உடையவை. அவை பண்புகளின் அடிப்படையில் கடினமாகவோ, மென்மையாகவோ, பளபளப்பாகவோ, மங்கலாகவோ, சொரசொரப்பாகவோ, வழவழப்பாகவோ, நகிழ்வுத் தன்மையுடனோ, திடமானதாகவோ இருக்கலாம். 1. கடினமான மற்றும் மென்மையான பொருள்கள் ஒரு பொருளினை எளிதில் அழுத்தவோ, வெட்டவோ, வளைக்கவோ கீறலை ஏற்படுத்தவோ முடியவில்லை எனில் அப்பொருள் கடினமான பொருள் எனப்படும். எ.கா: செங்கல், எலும்பு, எஃகு. ஒரு பொருளினை எளிதில் அழுத்தவோ, வெட்டவோ, வளைக்கவோ கீறலை ஏற்படுத்தவோ முடியும் எனில் அப்பொருள் மென்மையான பொருள் எனப்படும். எ.கா: பஞ்சு, களிமண், தோல். பதிலளிப்போமா! கொடுக்கப்பட்டுள்ள பொருள்கள் கடினமானவையா, மென்மையானவையா என எழுதுக. 2. பளபளப்பான மற்றும் மங்கலான பொருள்கள் ஒளியை நன்கு பிரதிபலிக்கும் பொருள்கள் பளபளப்பான பொருள்கள் எனப்படும். எ.கா: சில்வர் பொருள்கள், தங்கம், வைரம். ஒளியை நன்றாக பிரதிபரிக்காத பொருள்கள் மங்கலான பொருள்கள் எனப்படும். எ.கா: மெழுகுவத்தி, காகிதத்தாள், சணல் பை. வகைப்படுத்துவோமா?’ உங்கள் வீட்டிலிருந்து சில பொருள்களை சேகரித்துக் கொண்டுவந்து அவற்றைப் பளபளப்பான அல்லது மங்கலான பொருள்கள் என வகைப்படுத்தி கலந்துரையாடுக. 3. சொரசொரப்பான மற்றும் வழவழப்பான பொருள்கள் மேடு பள்ளங்கள் உடைய பரப்பினைக் கொண்ட பொருள்கள் சொரசொரப்பான பொருள்கள் எனப்படும். எ.கா: செங்கல், பாறை, டயர். மேடு பள்ளங்கள் இல்லாத பரப்பினைக் கொண்ட பொருள்கள் வழவழப்பான பொருள்கள் எனப்படும். எ.கா: கண்ணாடி, தரை ஓடுகள் (Tiles). பதிலளிப்போமோ! கொடுக்கப்பட்ட பொருள்களை சொரசொரப்பானவை அல்லது வழவழப்பானவை என வகைப்படுத்துக. 4. நெகிழ்வுத்தன்மை உடைய மற்றும் உறுதியான பொருள்கள் எளிதில் வளைக்கவோ, நீட்டவோ இயலும் பொருள்களை நெகிழ்வுத்தன்மை உடைய பொருள்கள் என்கிறோம். எ.கா: இரப்பர் வளையம், மின் கம்பி, சைக்கிள் டியூப் எளிதில் வளைக்கவோ நீட்டவோ இயலாத பொருள்களை உறுதியான பொருள்கள் அல்லது நெகிழ்வுத்தன்மை அற்ற பொருள்கள் என்கிறோம். எ.கா: குச்சி, மர அளவுகோல், கல். செயல்பாடு நெகிழ்வுத் தன்மையைச் சோதித்தல். மாணவர்களிடம் ஒரு நெகிழி அளவுகோல் மற்றும் மர அளவுகோலைக் கொடுத்து அவற்றை வளைத்துப் பார்த்து உற்றுநோக்கியதை அட்டவணைப்படுத்தச் செய்க. (வளைகிறது. வளையவில்லை] 5. நீர்புகாப் பொருள்கள் நீரைத் தன்னுள் ஊடுருவிச் செல்ல அனுமதிக்காத பொருள்கள் நீர்புகாப் பொருள்கள் எனப்படும். எ.கா: நீர்புகா மேலாடை, அலுமினியத் தாள், மாத்திரை அட்டை. சிந்தித்து விடையளிக்க. உங்களிடம் நீர்புகா மேலாடை உள்ளதா? அதன் பயன் என்ன? செயல்பாடு ஒரு கண்ணாடிக் கிண்ணத்தை எடுத்துக் கொள்ளவும். அதில் முக்கால் பங்கு அளவிற்கு நீரை நிரப்பவும். அதில் ஓர் ஆரஞ்சுப்பழத்தை தோலுடனும் மற்றொன்றைத் தோல் இல்லாமலும் போடவும். அவற்றுள் எந்த ஆரஞ்சுப் பழம் மிதக்கிறது என்பதை உற்றுநோக்கி அதற்கான காரணத்தைக் கூறு.

அறிவியல் : பருவம் 1 அலகு 1 : எனது உடல் அலகு 1 எனது உடல் கற்றல் நோக்கங்கள் இப்பாட இறுதியில் மாணவர்கள் பெறும் திறன்கள் ❖ மனித உள்ளுறுப்புகளை இனங்கண்டு விவரித்தல். ❖ உள்ளுறுப்புகளின் முக்கியப் பணிகளைப் பட்டியலிடுதல் ❖ பற்களின் வகைகளை வேறுபடுத்தி அறிதல். ❖ வாய் நலத்தின் முக்கியத்துவத்தை உணர்தல். ❖ நல்ல தொடுதல் மற்றும் தவறான தொடுதல் பற்றிய விழிப்புணர்வைப் பெறுதல் நினைவு கூர்வோமா! கீழே உள்ள கட்டத்தில் சில உடல் பாகங்களின் பெயர்கள் மறைந்திருக்கின்றன. அவற்றைக் கண்டறிந்து வட்டமிடுக. I. உள் உறுப்புக்கள் உடலின் பாகங்களான கண்கள், மூக்கு, காதுகள், கைகள் போன்றவற்றை நம்மால் பார்க்க முடிகிறது. நாம் பார்க்கக்கூடிய இப்பாகங்கள் வெளி உறுப்புகள் என்று அழைக்கப்படுகின்றன. நம் உடலுக்குள் இரைப்பை, நுரையீரல், இதயம் போன்ற பாகங்கள் உள்ளன. அவை உடலினுள் இருப்பதால், நாம் அவற்றைப் பார்க்க முடிவதில்லை. இந்த உடல் பாகங்கள் உள்ளுறுப்புகள் என்று அழைக்கப்படுகின்றன. நாம் இப்போது இந்த உள்ளுறுப்புக்களைப் பற்றி மேலும் தெரிந்து கொள்வோம். 1. மூளை நம் உடலின் முக்கிய உறுப்பான மூளை மண்டை ஓட்டின் மூலம் பாதுகாக்கப்படுகிறது. இதில் மூன்று முக்கிய பகுதிகள் உள்ளன. அவையாவன: 1. முன் மூளை 2. நடு மூளை 3. பின் மூளை மூளை என்பது நம் உடலின் கட்டளை மையம். இது நாம் சிந்தித்துப் பல்வேறு செயல்களைச் செய்ய உதவுகிறது. கைகளை அசைத்தல், அமர்தல் அல்லது நடத்தல் போன்ற நாம் செய்யும் ஒவ்வொரு செயலும் நமது மூளையின் மூலமே நடைபெறுகிறது. உங்களுக்குத் தெரியுமா மனித மூளையின் எடை தோராயமாக 1.360 கிலோகிராம் ஆகும். பதிலளிப்போமா! 1. மூளை (மூக்கு/மூளை) ஓர் உள்ளுறுப்பாகும். 2. தவறு நம் உடலின் உள்ளுறுப்புகளை நம்மால் பார்க்க இயலும். (சரி/தவறு) விளையாடுவோமோ! நினைவாற்றல் சங்கிலி–மூளை விளையாட்டு (ஆசிரியர் உதவியுடன் செய்க.) எப்படி விளையாடுவது? 1. மாணவர்களை வட்டமாக அமர வைக்கவும். 2. ஒரு தட்டில் வெவ்வேறு உடல் பாகங்களின் பட அட்டைகளை வைக்கவும். மற்றொரு தட்டைக் காலியாக வைக்கவும். 3. இப்பொழுது மாணவன் ஒருவனை அழைத்து ஓர் அட்டையை எடுக்கச் சொல்லவும். அதிலுள்ள உடல் பாகத்தின் பெயரைச் கூறச் செய்து மற்றொரு தட்டில் அந்த அட்டையைப் போடவும். 4. இப்போது அடுத்த மாணவனை அழைத்து மற்றோர் அட்டையை எடுத்து, முதல் மற்றும் இரண்டாவது அட்டையிலுள்ள பாகங்களின் பெயர்களைக் கூறச் சொல்லவும். 5. வேறொரு மாணவனை ஒரு சீட்டை எடுத்து முதல் இரண்டு அட்டைகள் மற்றும் மூன்றாவது அட்டையிலுள்ள உடல் பாகங்களின் பெயர்களைக் கூறச் செய்யவும். 6. அதே போல் அனைத்து மாணவர்களையும் அட்டைகளை ஒவ்வொன்றாக எடுக்கச் செய்து, முந்தைய அட்டைகள் மற்றும் தாம் எடுத்த அட்டையிலுள்ள பெயர்கள் அனைத்தையும் கூறச் செய்வதன் மூலம் நினைவாற்றலைப் பெருக்கலாம். 2. நுரையீரல்கள் நுரையீரல்கள் என்பவை மார்புப் பகுதியில் அமைந்துள்ள ஓரிணைபை போன்ற உறுப்புகள். இவை பஞ்சு போன்று மென்மையானவை. நாம் மூச்சுவிட இவை உதவுகின்றன. ● நாம் மூக்கின் வழியாகக் காற்றை உள்ளிழுக்கும்போது காற்றில் உள்ள ஆக்சிஜன் நுரையீரலுக்கு அனுப்பப்படுகிறது. இப்போது நுரையீரல் விரிவடைகிறது (பெரிதாகிறது). ● நாம் காற்றை மூக்கின் வழியாக வெளியேற்றும் போது, நுரையீரல்களிலுள்ள கார்பன் டைஆக்சைடு வெளியேற்றப்படுகிறது. இப்போது நுரையீரல் சுருங்குகிறது [சிறிதாகிறது). விளையாடுவோமா! பெரிது–சிறிது (ஆசிரியர் எல்லாக் குழந்தைகளுக்கும் பலூன்களைக் கொடுக்கிறார்) ஆசிரியர் : பலூனில் காற்றை ஊது. பலூன் என்ன ஆகிறது? மாணவர்கள் : அது பெரிதாகி விட்டது. ஆசிரியர் : இதுபோல, நாம் சுவாசிக்கும்போது காற்றை உள்ளிழுப்பதால் நுரையீரல் பெரியதாகும். சரி. பலூனிலிருந்து காற்றை வெளியே விட்டுவிட்டால் என்ன நடக்கும்?

Science : Term 3 Unit 3 : Air We Breathe Unit 3 AIR WE BREATHE Learning Objectives After the completion of this unit students will be able to • know that air is a mixture • understand the composition and components of air • explain air pollution and its effects Introduction Our earth is made of

Science : Term 3 Unit 2 : Life of Animals Unit 2 LIFE OF ANIMALS Learning Objectives After the completion of this unit students will be able to • understand group behaviour in animals • know adaptation in animals • explain the structure of insects. • list out special senses in some animals • know about

Science : Term 3 Unit 1 : Green Environment Unit 1 GREEN ENVIRONMENT Learning Objectives After the completion of this unit students will be able to • understand the importance of waste management • understand the role of 3Rs in waste management • learn how to conserve the environment by practising good habits • recognise eco-friendly

Science : Term 2 Unit 3 : Plants Unit 3 Plants Learning Objectives After learning this lesson, students will be able to • list out the parts of leaf and their functions • explain the process of photosynthesis • describe the role of plants as a primary producer • know about green and non green plants • describe the features of

Science : Term 2 Unit 2 : Water Unit 2 Water Learning Objectives After learning this lesson, students will be able to • understand the change of states in water • describe the water cycle • explain the importance of water cycle • summarise rainwater harvesting and its uses Introduction Water is the most abundant and precious resource on the

Science : Term 2 Unit 1 : Food UNIT 1 Food Learning Objectives After learning this lesson, students will be able to • differentiate between raw and cooked food items • understands the different methods of cooking • describe the different types of cooking utensils • identify hygienic food and food to be consumed during illness • explain the importance of

Science : Term 1 Unit 4 : Science in Everyday Life Unit 4 Science in Everyday Life Learning Objectives After learning this lesson, students will be able to • know the nutritional value of milk • explore the benefits of cooking • learn about baking of bread, biscuit and cake • know about gadgets used in daily life Let us